Enn erum við að henda  inn misgömlum myndum af  testesteróntröllunum um borð, það ættu nú sennilega allir að vera komnir í þessum hring.

Nokkrar gamlar og nýjar myndir af hetjum hafsins, hvar í ósköpunum annarssstaðar er þvílíkt samasafn af glæsimennum ?

Það er víst bræla á miðunum núna og lítið að hafa þess vegna en við látum það nú ekkert á okkur fá enda ekkert nema karlmenn um borð í þessu skipi, við fáum afgreiðslu á Subway eins og skot, ekkert múður þar og enginn sem tók sér frí í gær. (kellingafrídaginn) En það eru nú líka viðkvæmar sálir inn á milli og gátu þeir ekki annað en stokkið til þegar sást til urtandar sem var við það að gefa upp "Öndina"og var henni umsvifalaust bjargað inn í hlýjuna og boðið upp á mat og drykk.

Það er voða rólegt hjá okkur Ginurum þessa stundina og lítið í fréttum en við höldum bara áfram að setja inn myndir frá Daytona Beach. Þessi fyrir neðan óð í sjóinn með netadruslu og kastaði á einhverja fiska og oftast var nú einhver afli hjá honum, sennilega er hann að veiða í beitu en það voru æði margir með veiðistöng í fjörunni í Daytona. Við notum þessa aðferð sennilega lítið hérna á Torginu enda aðeins meira dýpið hér.

Já það er ekki laust við það að sumir hérna um borð séu hálf aumir í öxlum, höndum og baki en það tekur mikið í að að fara í verslunarmiðstöðvarnar í Florida en þær voru einmitt hálftómar eftir að eiginkvennasveit áhafnarmeðlima hafði farið þar um og getum við karlarnir verið stoltir af dugnaði íslenskra kellinga þegar kemur að því að gera hagkvæm innkaup og rétta af fjárhag Flórida fylkis.
En við erum löngu komnir heim og nú út á sjó, allt þetta gamla góða að taka við hérna á Torginu.Ferðalagið heppnaðist frábærlega í alla staði og allir voða glaðir og strax farið að plana næstu ferð, vonandi að það verði búið að aflétta gjaldeyrishöftunum þegar það verður svo það sé hægt að gera þetta almennilega. Við hendum sennilega inn einhverjum myndum úr ferðinni ef að einhverjar myndir hafa villst hérna um borð en hérna kemur ein af hinni stórfenglegu skúnkasýningu sem haldin var á hótelinu, sumir gesta vildu nú meina að skúnkasýningin hefði verið á 5. hæðinni en það var nú misskilningur.

Jæja, Jolla gengi mætt til starfa og væntanlega verður bloggað eitthvað hérna á næstu vikum og jafnvel hent inn myndum af stæltum og sveittum karlmönnum til að laða kvenfólkið til að skoða bloggið.
En meira seinna, svo miklu meira held ég.