Við komum í land á þriðjudagsmorguninn með fínann túr. Jolli og Co fóru síðan á sjóinn strax þá um kvöldið.

Túrinn var annars í alla staði fínn, þrátt fyrir að það megi alltaf vera meiri kraftur í fiskeríi, betra veður, minna rifið o.s.frv. Við erum aldrei alveg ánægðir :)

Núna er bloggboltinn kominn yfir á Valda, Údda og félaga. Við sendum sérstakar baráttukveðjur til hirðljósmyndara þeirra og vonum að hann smelli af eins og brjálaður maður og birti myndir a.m.k. einu sinni á dag!

Látum fylgja eina mynd sem tekin var í upphafi síðasta túrs þegar við vorum að hífa í kaldaskít. Þetta er reyndar mjög óvenjuleg sjón á Guðmundi í Nesi því að hann er örugglega með þurrustu skipum á Íslandsmiðum.