Jæja loksins er veðrið orðið skaplegt og köstuðum við tveimur trollum í nótt og ekki er annað að sjá en það verði blíðu veður í einhvern tíma að minnsta kosti (við köllum 15 vindstig blíðu hérna á Torginu).  Vélstjórarnir sjást ekki nema sótsvartir eða með tusku í hendinni þessa dagana enda eru þeir að þrífa vélarrúmið eftir slippinn.

Níels bryti var með villibráðarhlaðborð í gær og var það alveg hrikalega gott og smá tilbreyting í því.  Það er nefnilega þrennt sem skiptir miklu máli hérna út á sjó og það er gott fiskerí, góður matur og góður mórall.

Það er kominn góð lykt af skötunni sem nokkrir áhafnameðlimir eru með í verkun fyrir Þorláksmessu.  Miðað við magnið þá myndi þetta duga Jóhannesi í Múlakaffi í marga daga.  Við þökkum enn og aftur fyrir innlitið á síðuna og munið að gefa álit.

kveðja
Áhöfnin á Guðmundi í Nesi