Héðan frá Akureyri er allt gott að frétta. Verkefnum um borð fer fækkandi en þó er ennþá nokkuð eftir. Svartolíubreytingin gengur vel og klárast hún fljótlega eftir helgi.

Það var nánast allt rifið af millidekkinu og núna er verið að pússla því nýja saman eins og sjá má á meðfylgjandi myndum. Helstu breytingar á millidekkinu eru þær að búið er að setja niður flokkara, ný safnkör, laga krana á frystitækjum (strákunum í pökkun til mikillar gleði), útbúa kör fyrir hausa og laga færibönd við úrsláttinn.


Stefnt er að því að Jollagengi fari á sjó einhverntíman eftir helgi.


Kveðja að norðan
GINarar