Guðmundur Í Nesi RE13

Trollið var tekið rétt fyrir hádegi í dag í alveg frábæru veðri. Oft segja myndir meira en þúsund orð og því smellum við bara inn myndum í dag en bullum ekkert meira.



Strákarnir á stýrimannsvaktinni nýbúnir að taka trollið



Byrjað að sturta aflanum niður í móttöku



Annað trollið var aðeins rifið þannig að Heiddi yfirstýrimaður og Keli bátsmaður smelltu sér í bætningu eftir hádegi. Það væsir ekki um þá í blíðunni



Bátsmaðurinn sposkur á svipinn



Og að lokum mynd af Jóa að tala við stelpurnar sínar

Það er búið að vera frábært veður í dag þannig að menn þyrsti í að njóta sömu þæginda og landkabbarnir. Strákarnir, með Hjalla og Lilla í broddi fylkingar, tóku sig til og græjuðu eitt stykki heitann pott.

Um klukkan 10 í kvöld var allt klárt og var bátsmaðurinn fyrstur til að skella sér til sunds. Potturinn er það vel staðsettur að þar næst GSM samband eins og er. Alger snilld!


Báturinn í pottinum og Alli að tala við frúna í GSM síma



Það getur verið fallegt á sjónum

Já gott fólk bátmannsvaktin er mætt með færslu.

Dagvaktin var frekar róleg hjá okkur í gær og var því haldin reykköfunaræfing. Ómar og Ægir voru fyrstir til að reykkafa svo fóru Keli og Gunni næstir inn, Bjarni og Denni fengu það hlutverk að leika meðvitundarlausa menn. Allt gekk vel en hápunkturinn var sennilega þegar Ægir var látinn bera og hélt hann að Gunni væri sá meðvitundarlausi, kvikyndisskapurinn kom fram í nokkrum á vaktinni og skiptum við um mann og endaði hann með að þurfa að bera Kela útúr klefanum sem er tölvuvert þyngri en Gunni, hann átti ekki til orð hversu þungur Gunni væri orðinn meðan á ferðinni stóð.

Allt flott af okkur. Hér er magnað veður og það fer vel um alla. Það stendur ennþá eitthvað í bátsmannsvaktinn að setjast niður við tölvuna og blogga en það hlýtur að lagast.