Tveir úr áhöfninni þurftu að fara í land í gær. Svo heppilega vildi til að Brimnesið var að leggja af stað og var gripið til þess ráðst að skutla þeim yfir í það.

Myndirnar hér að neðan eru frá þeirri ferð.


Keli bátur gerir allt klárt.


Allt klárt til að leggja af stað. Bara eftir að húkka úr línunni.


Lagt af stað yfir í Brimnesið

Smá sigling eftir. Veðrið var sæmilegt þannig að það fór vel á þessu


Strákarnir komnir um borð og verið að slaka okkur niður aftur

Gísli og Keli koma til baka

Eins og lög gera ráð fyrir þá var haldin mini kosningavaka hér um borð hjá okkur. Það var ekki annað að heyra á mönnum að þeir séu nokkuð sáttir við úrslit kosninganna, sumir þó sáttari en aðrir.

Miðað við kosningavökur í landi þá var þessi á rólegu nótunum, ekkert vín og lítið sem ekkert sungið.


Eldri deildin áhugasöm að horfa á sjónvarpið. Það hefur gengið illa að lesa í það hvaða flokk Bjarni kaus - maðurinn er með pókerface.

Hjalli virtist bara vera sáttur við kosningarnar. Gaf ekki upp hvað hann kaus en sagði að það hefði ekki verið Ástþór.


Hvað skyldi vestfirðingunum finnast um það að Addi Kitta Gauj sé dottinn út af þingi?

Það er búið að vera leiðindarveður hjá okkur undanfarna tvo sólarhringa og við höfum þurft að lóna í tvígang.

Höfum þó getað notað tímann til að þrífa skipið og fara yfir trollin. Einnig fengum við 6 hákarla í tveimur holum og það tók tíma að gera að þeim. Rúmlega 1 tonn af beitu!!

Við óskum gestum gin.is gleðilest sumars og vonum að veðrið hjá okkur í gær sé ekki fyrirboði um það sem koma skal í sumar.


Bjössi kokkur og Gunni ræða málin


Bolvíkingarnir þjálfa á sér þumlana

Hér er mynd af mótorhjólinu sem við fengum upp með trollinu eins og við lofuðum í síðustu bloggfærslu.

Annars er allt gott að frétta af okkur. Reyndar er skítabræla núna og spáin fyrir næstu daga ekkert sérstök. En það er ekkert sem við höfum ekki séð oft áður.


Flottur fákur. Heildarlengd er um 3 cm

Það eru ekki bara hefðbundnar nytjategundir sem við fáum í trollið. Það er algengt að fá hákarl hér á Torginu og núna um helgina hefur margt óvenjulegt komið upp með því.

Til að byrja með fengum við einn lítinn sel í trollið. Hann fylgdist spenntur með okkur í vinnslunni áður en honum var sleppt. Það fór vel á með honum og Nonna þegar við vorum að smúla eftir að hafa klárað haldið.

Í halinu þar á eftir fengum við upp grænt mótorhjól. Það er nokkuð heillegt, en þó vantar á það vinstri hluta stýrisins. Þegar að þessi bloggfærsla er skrifuð er ekki búið að taka mynd af hjólinu en hún verður sett inn um leið og það er búið.

Síðan fáum við oft mikið af stórlúðu hér grynnst á Torginu - og eins og sjá má á meðfylgjandi mynd þá eru þær oft vel við vöxt.


Selurinn fylgist "spenntur" með


Nonni og selurinn að nýbúnir að smúla

Ekkert smá stykki, þ.e.a.s. lúðan

Það er allt ljómandi gott að frétta af okkur, veðrið er búið að leika við okkur síðustu daga hér á torginu og spá flestir því að sumrið sé á næsta leyti.

Landhelgisgæslan kíkti við hjá okkur í gær en þetta var hefbundið eftirlit og fundu þeir að sjálfsögðu ekkert að hjá okkur en þessir herramenn stoppuðu í 1-2 tíma um borð hjá okkur en stungu af rétt fyrir hádegismat, þeir vissu greinilega ekki hverju þeir voru að missa af því kokkurinn bar fram dýrindis lúðu og lúðusúpu.

Bjössi afhendir eggin

Nonni átti nú ekki von á að fá egg.... og var að vonum glaður

Ný vaknaður og úðar í sig

Ómar kláraði sitt egg á 10 min !!