Jæja það er komið að smá bloggi.Það er búið að vera hrikalega dauft yfir veiðunum síðustu daga hér á torginu,eitthvað ástand er á slóðinni sem veldur því að það er EKKERT fiskerý.Svo spáir ekki vel næstu daga.Við förum að gera okkur klára í þrif og það sem fylgir síðustu vikunni þannig að það er spurning hvort þetta verði síðasta bloggið í þessari veiðiferð.Annars eru allir í góðu skapi þrátt fyrir lítið fiskerí og slæma veðurspá og hlakkar mönnum alltaf jafn mikið að komast heim til sín.

Jæja þá er komið að smá bloggi.Það bættust við tvö skip á torgið í fyrradag það eru Brimnesið og Snæfellið EA áður Akureyrin.það er búið að vera smá kropp í gullax karfa og lúðu sem sé mikið koktail fiskerí.Við hefðum vilja sjá meiri lúðuveiði en það er ekki á allt kosið.Það er búið að vera vorblíða í heila 8 daga á torginu sem segir okkur að það fari nú að bresta á sumar eftir ca 1 túr enn.Annars er bara allt meinhægt að frétta og stýrimannsvaktin stóð sig vel í síðustu bloggfærslu og vonum við að þeir láti ekki deigan síga í þeim efnum.Motturnar eru búnar að dafna vel síðan í síðustu færslu og fara þær að verða myndefni fyrir velunnara síðunnar.Búið er að panta veiðileyfi fyrir kallana upp á Arnarvatnsheiði í Júní og er það valinkunnur hópur og fer Ragnar fyrir flokknum að venju.Áf óviðráðanlegum orsökum verður enginn ÓNEFNDUR framar á síðunni og þökkum við honum kærlega fyrir að hafa lagt sitt af mörkum fyrir að hafa gefið okkur síðuriturum innblástur í skrif okkar og vitum við hreinlega ekki um hvað við eigum að skrifa á komandi tímum.

Saknaðar kveðjur bloggarar

                                     Alex með góðan feng


                       Guðjón (Úddi) að vikta rauðu strákana

Góðan dag góðir landsmenn. vegna fjölda áskorana er stýrimannsvaktin sest við skriftir og eftir að vera búnir að raða í okkur soðning að hætti Níelsar teljum við okkur færa í flestan sjó í netheimum, að öllu leiti nema beðið er eftir að ónefndur blási til námskeiðs fyrir stýrimannsvaktina og kenni þeim leyndardóma ljósmyndunar. þannig að ef vel gengur í þeim flóknu fræðum er jafnvel von á myndum frá þessari vakt fyrir páska. annars er heldur lítið um að vera á torginu um þessar mundir en kallarnir snöruðu þó einn gráan í morgun (Hákarl) og var hann snarlega tekin og skorinn eftir kúnstarinnar reglum í þágu starfsmannafélagsinns. Eitthvað gengur illa hjá okkur að fá ljóðskáld vaktarinnar til að opna sig en vonum að með vaxandi sjálfstrausti verði hann farinn að raða hér inn stökum af sinni alkunnu snilld áður en túrinn er úti. en þá að máli málana, heyrst hefur á göngunum að Arna hans Einars sé við það að fjárfesta í sleða eins og hún er búinn að vera að gera síðan í haust. og vonumst við til að dæmið gangi upp hjá henni fyrir rest. Biðjum að heilsa af torginu.

kveðja MOTTUGENGIÐ.

ps það er engin heitur í giskinu með aflann.

Bátsmannsvaktin er búin að sjá um bloggið síðustu 3 túra og ekki komið snefill frá stýrimannsvaktinni ekki einu sinni myndir þannig að það er tímabært að velunnarar síðunnar kommenti og reki nú á eftir þeim enda miklu meira um blogg ef báðar vaktirnar blogga.Og vil bátsmannsvaktinn segja KOMA SVO STRÁKAR svo urðum við uppvísir að því að það er heljarinnar ljóðskáld á stýrimannsvaktinni og hann gæti verið með vísnahorn á síðunni.Annars af fréttum af torginu:Það er búið að vera hálf tíðindalaust frá helginni en gott veður þó frá sunnudegi.veiðin dagaskipt.Fréttum að LEEDSARARNIR hafi unnið um helgina og ætlaði allt um koll að keyra ,menn hópuðust á gangana í sigurvímu og var þar ónefndur fremstur í fríðum flokki.

Nú ætlum við að vera með smá spurningu til velunnara síðunnar og byðja þá um að giska hvað eru mörg tonn af grálúðu hér á ferðinni.Gæti verið verðlaun fyrir réttan aðila ef að ónefndum þóknast svo.Hann á heiðurinn af þessum myndum og veriði nú dugleg að gefa honum komment það er víst búið að hrauna nóg yfir greyið samt.

kv 50 round club


        
Eins og sjá má er bakborðsgengið bísna sennilegt að sjá að vanda

Stenst ekki að setja inn smá hugleiðingar hér eftir að hafa lesið tvo af stærstu vefmiðlum landsins í morgun. Það er alveg með ólíkindum hvað margir fréttamenn virðast vera illa að sér þegar kemur að útgerð og öðrum hlutum íslensks sjávarútvegs.

Máli mínu til stuðnings bendi ég á tvær fréttir. Sú fyrr er af mbl.is og fjallar um íslenskan "togara" sem er að landa aflanum í Bretlandi. Með greininni er birt mynd af umræddum "togara" og ef fréttamaðurinn hefði minnstu þekkingu á sjávarútvegi sæi hann strax að umrætt skip er ekki togari heldur línubátur. Hægt er að sjá fréttina hér Íslenskum skipum fagnað í Grimsby 

Þetta er reyndar ekki fyrsta fréttin með þessum misstökum. Hér er ein eldri Fleiri togarar landa í Grimsby

Hin fréttin er á visir.is og þar er verið að fjalla um grásleppuveiðar. Myndin sem birt er með fréttinni er alveg kostuleg. Ef þetta er nýr grásleppubátur þá skal ég éta sokkinn minn. Fréttina má sjá hér Grásleppuvertíð á fullt

Góða kveldið kæru landsmenn og aðrir velunnarar.
Hér á gvendinum hafa ekki verið unninn mikil afrek um helgina sökum þess að kári lét heyra allsvakalega í sér og ægir var nú eitthvað pirraður líka. En það er mál manna að nú sé skollið á vor og bara bongó blíða (mega tan) framundan.  Hafa menn þá um helgina haft meiri tíma til að einbeita sér að áhugamálunum s.s. facebook og fótbolta en það síðarnefnda fór víst ekki alveg eins til var ætlast, sem var mjög gott!  En við tókum nokkrar myndir af atburði helgarinnar......



                     Hér eru kallarnir á toginu og ægir að berja að dyrum...



Hér eru kallarnir svo byrjaðir að hífa og eru þetta þeir Alex og Einar the eagle að forða sér undan einni kaldri og höfðu þeir betur í þetta skiptið.

Litli netamaðurinn okkar átti afmæli í dag hann varð 40 ára og er það mál manna að hann hafi stækkað í nótt en enn notast hann við dvergasteininn í pökkun.hann kom með mackintosh dós
með sér en vaktin snéri hann niður og stal af honum dósinni og hámaði sælgætið í sig.En annars óskum við honum kærlega til hamingju með ( Stóráfangann )

     Hér stendur stoltur afmælisdrengur við nammikrúsina sína

 Hér afhendir Ragnar Gylfa nammidósina sem Gylfi kom sjálfur með


               Hér er búið að stéla dósinni af afmælisbarninu


Eins og sjá má á síðustu myndinni þá var sukkið alveg gríðarlegt og liggja menn að vana lemstraðir um allt skip og fór ónefndur fyrir hópnum að venju

  
         Ragnar gerir sig kláran í að raða kössunum á bandið


                             
                                Einar hálf kuldalegur að sjá

r

              Jóhann Freyr tekur hausakassa af lestarbandinu



                               Málin rædd í borðsalnum



Ragnari og Gylfa finnst greinilega gaman að láta taka af sér myndir


                        
                              Flott uppstilling strákar



                    Stefán forðar sér frá einni fyllunni

Jæja eftir mikla og þrotlausa lesningu á myndavélabæklingunum þá tókst okkur loksins að taka nokkrar myndir en það er þó mest ónefndum að þakka og það má í raun segja að hann á allan heiður af þessu og einnig kom hin gríðarmikla tungumálakunnátta hans að góðum notum og skipti ekki máli hvort hann þýddi á hebresku latnesku eða færeysku og hér er afraksturinn.

Hér er Gunnþór að REYNA að kenna gömlu skápunum á facebook en 
svo virðist sem Stefán sýni þessu meiri áhuga en Einar

                   Hér er Valdi að raða kössunum í lestinni


                              Árgangur "81 að störfum



                                         Félagarnir


                             Valur og Gunnþór við úrsláttin


                                 Pönnum raðað í tækið

  Þetta voru myndir frá bátsmannsvaktinni og koma fleiri myndir brátt

Jæja þá er loksins komið að smá bloggi við erum reyndar búnir að reyna að blogga en höfum átt í erfiðleikum með að opna aðgangsíðuna.Við mættum með pompi og pragt á torgið en það tók bara drulluveður á móti okkur og var það þannig fram á sunnudag en köstuðum þó tveimur trollum eftir hádegi í gær.Það er svo búið að vera megatan það sem af er degi og renniblíða.Það er lítið af skipum herna núna enda lítið um að vera á bleyðunni en eitthvað af skipum eru að gera það ágætt út á melsekk í þeim rauða.Ps starfsmannafélagið splæsti í nýja idiotproof myndavel og vonumst við til að sá ónefndi beiti sinni alkunnu myndavelareynslu og komi með eitthvað af myndum í túrnum ef sá gállinn er á honum.

Það er búin að vera smá blogg pása hjá okkur undanfarið, aðallega því það er frá litlu að segja. Eins og er hrekjumst við undan NA stormi og erum hálfnaðir til Grænlands (eða því sem næst). Erum byrjaðir að þrífa og gera allt klárt fyrir heimkomu á fimmtudaginn. Reyndar lítur illa út með að við náum að kasta trolli aftur í þessum túr.