Blogg
28.2.2009
Úrslitin um helgina
Myndin hér að neðan er af Nonna og Gísla, kátum í gömlum en góðum Man Utd bolum. Með þessari mynd fylgir kveðja til Lúlla og Sissa sem eru báðir Man Utd stuðningsmenn (þó svo að annar eigi víst eftir að viðurkenna það fyrir sjálfum sér).
26.2.2009
Múkki eða Vélstjóri ??
Eitt skiptið, þegar vélstjórinn dröslaðist niður í vaktklefa og kom sér fyrir framan tölvuna heyrði hann ankannaleg hljóð undir borðinu hjá sér. Hann stakk tríninu undir borðið og sá þar fullvaxinn múkka í makindum undir borðinu. Vélstjóranum brá alveg horttalega en lét ekki öskrin í múkkanum hræða sig meira og falaðist eftir honum, þá varð uppi fótur um fit og hófst þar mikill eltingarleikur sem endaði með því að Vélstjórinn náði kvikindinu og kom honum út. Þegar vélstjórinn var búinn að þessu fór hann vitaskuld rakleitt upp í borðsal og í hverju skrefinu sem hann tók magnast reiði hans. Þegar hann kom svo inn í borðsal hellti hann sér yfir mannskapinn fyrir þetta ódæði! Hann komst að vísu fljótlega í þrot um hvaða skaða múkkinn hefði geta gert og endaði á því að segja ... Helvítis Múkkinn hefði geta drepið á vélinni! þá sprakk salurinn úr hlátri og vélstjórinn fór í þjósti niður í vél aftur. Eftir þetta hafa múkkar sem hafa slæðst inná dekkið á Hrafni ávalt verið kallaðir vélstjórar.
Vélstjóri á flugi ??
25.2.2009
Púkarnir á neðstu hæðinni
Bjöggi og Hjalli voru á fullu í viðhaldsvinnu er einn af ljósmyndurum gin.is bar að dyrum á neðstu hæð skipsins. Þeir félagar segjast vera spenntir fyrir leikjunum í kvöld, Hjalli er Liverpool maður en Bjöggi heldur með þeim sem er á toppnum.
Bátsmaðurinn er búinn að vera frekar súr síðustu daga, það kom smá dauður tími hjá bátsmannsvaktinni og var ákveðið að taka smá bíó, hann vildi horfa á ABBA myndina en Gran Torino með Eastwood var valinn og er hann ekki enn búinn að jafna sig á því.
Hjalli með vasaljósið fræga
Hann stóð upp á koll þegar þessi mynd er tekinn
23.2.2009
Afmælisbarn dagsins
2. stýrimaðurinn á afmæli í dag. Hann er orðinn 36 ára en lítur ekki út fyrir að vera deginum eldri en 25 ára og 4015 dögum betur.
Hann verður að heiman í dag.
Hálf úfinn en í glæsilegum klassískum bol
Afmælishlaðborðið klukkan 9 í morgun
20.2.2009
Mennirnir í brúnni
Það hefur aðeins vantað upp á það að við höfum sýnt myndir af öðrum en okkur dekkurunum. Þetta stendur til bóta. Við byrjum á þeim sem manna brúnna.
Myndirnar voru teknar fyrir helgi og sýna þá Stjána skipstjóra og Heiðar yfirstýrimann á fullu í vinnunni.
Vek sérstaka athygli á sokkunum hjá Stjána, en þetta eru miklir happasokkar (karfasokkar) sem dætur hans gáfu honum.
Karlinn í rauðusokkunum góðu
Heiddi er hálfnaður með skeggið sem hann safnar í hverjum túr