Bjöggi og Hjalli voru á fullu í viðhaldsvinnu er einn af ljósmyndurum gin.is bar að dyrum á neðstu hæð skipsins. Þeir félagar segjast vera spenntir fyrir leikjunum í kvöld, Hjalli er Liverpool maður en Bjöggi heldur með þeim sem er á toppnum.

Bátsmaðurinn er búinn að vera frekar súr síðustu daga, það kom smá dauður tími hjá bátsmannsvaktinni og var ákveðið að taka smá bíó, hann vildi horfa á ABBA myndina en Gran Torino með Eastwood var valinn og er hann ekki enn búinn að jafna sig á því.

Hjalli með vasaljósið fræga


Hann stóð upp á koll þegar þessi mynd er tekinn

2. stýrimaðurinn á afmæli í dag. Hann er orðinn 36 ára en lítur ekki út fyrir að vera deginum eldri en 25 ára og 4015 dögum betur.

Hann verður að heiman í dag.


Hálf úfinn en í glæsilegum klassískum bol



Afmælishlaðborðið klukkan 9 í morgun

Svo að við verðum ekki sakaðir um að eyða heilum mánuði í að borða bakkelsi með rjóma hjá honum Bjössa kokki ákváðum við að setja inn nokkrar myndir úr vinnslunni.

Þessar myndir eru teknar núna rétt fyrir hádegi en þá vorum við að resta vinnslu og klára að slá úr nokkrum tækjum.


Lilli og Alli að gera sig klára í að fara að slá úr tæki og Denni að ná sér í ruslapoka

Litli og stóri


Júlli stendur í gufunni sem myndast þegar verið er að afhríma tækinn


Jói að setja inn afurðarupplýsingar á skrifstofunni á millidekkinu


Gísli kemur úr lestinni


Hálf kuldalegur, eða jafnvel kindarlegur

Allir togarasjómenn fá að heyra það frá konunum að þeir verði nú að passa sig á að borða ekki of mikið á sjónum. Þetta séu bara endalausar steikur og rjómi á allt.

Hér um borð höfum við nú reynt að standa okkur í því að borða hollan mat eftir að hún Sonja vinkona okkar var með okkur í átaki árið 2007. En stundum gleyma menn sér.

Eins og sést á meðfylgjandi myndum þá eiga áhyggjur eiginkvennanna stundum við rök að styðjast. Sumir diskarnir voru svo svakalegir að myndavélin klikkaði þegar henni var beint að þeim (þú kannast við skammtana hjá þínum manni Sigurbjörg).


Grindarvíkurtröllið fær sér rjóma með smá köku



Sönnunargagnið sem Drífa hefur beðið eftir. Bananinn var settur inn á myndina til þess að þetta liti ekki eins illa út

Sumir eru bara nettir á því

Það er blásið til afmælisveislu um borð í Guðmundi í Nesi í dag. Aðalgeir Jónsson (Alli) er 53 ára í dag. Kokkurinn verður með dýrindis þorrahlaðborð í dag og mun afmælisbarnið væntanlega gera því góð skil, eins og hans er von og vísa.

Annars allt við það sama hér. Myndarvélin er komin í leitirnar og nýjar myndir birtast vonandi bráðlega.


Afmælisbarnið

Jæja þá er enn komið að smá bloggi.Eins og titill færslu segir þá er torgið að sýna sitt fegursta og vilja menn meina að það líkist pollinum í Eyjafirði á fögru vorkvöldi.Smá nudd hefur verið á grásunni síðustu daga en heldur er að draga úr herlegheitunum og er silver smeltinn farinn að sýna vörpunni mikinn áhuga ónefndum ljósmyndara til mikillar gleði.karfi gullax og lúða er blanda dagsins og eru menn í þrifum samfara þessari banvænu blöndu.Hvissast hefur út í messanum að lengingin (nei meinti nú aðgerðin) hafi tekist með ágætum á litla netamanninum og vilja bjartsýnustu menn (Einar) trúa því að hann geti nú skipt um hleranemana sjálfur,því menn eru orðnir langþreyttir á að lyfta honum upp í hlerann.En annars er allt gott að frétta héðan af torgi hins himneska og ætlar túrinn að enda með stæl í eldhúsinu hjá brytanum því að það eru fjögur afmæli í röð að bresta á.Við verðum svo í landi með pomp og pragt á þriðjudagsmorgunn og reiknum með að spússur okkar taki á móti okkur opnum örmum á kajanum.gott í bili og kannski látum við myndir inn seinna af lokasprettinum ef ónefndur ljósmyndara þóknast svo.

hvernig er það með gesti síðunnar veit einhver hver þessi ónefndi ljósmyndari er???????

gæti farið svo að verðlaun yrðu í boði fyrir rétt svar.