Það er brjálað að gera í þrifum hjá strákunum sem eru úti á sjó og því hafa þeir ekki gefið sér tíma til þess að blogga. Við sem erum í landi höfum frétt að það hafi gengið vel hjá þeim og allir séu komnir í jólaskap.

Jóel og Co koma síðan í land á fimmtudagsmorguninn og við í Stjánagengi förum út sama kvöld og verðum á sjó fram að Þorkláksmessu.

Jæja nú er síðasta vikan að byrja og verður nóg að gera það sem eftir lifir túrs í þrifum og afla. Það hefur verið góð karfaveiði í dag og búinn að vera mikill atgangur að koma rauðu strákunum í gegnum vinnsluna og niður í lest, en að sjálfsögðu hefst þetta allt að lokum.

Svo um eða upp úr helginni verður byrjað að þrífa skipið bæði að utan og innan. Síðustu dagar hafa gengið vel og búið að vera ágætis veður og höfum við verið með tvö troll í heila 3 daga sem fer að nálgast met á haustmánuðum hér á Torginu.

Annars verður þetta ekki lengra í dag. Bloggararnir eru að fara á Facebook og viljum við enn og aftur minna fólk á að kommenta.

kv.
GINarar

Eins og við sögðum ætluðum við að segja frá hinum mikla gjaldeyrisfundi úr vélarrúminu en við gefum hér Elíasi vélstjóra orðið

"Já þetta var stórmerkilegur fundur þegar ég var að hreinsa upp úr
kjölnum allskonar jamm.....var að pjakka með tein og á endanum á teininum var búið að útbúa smá pall..............þetta leit ekki ósvipað út og fægiskófla með löngu haldi nema miklu miklu minna
............ég teigði mig niður og fór með þetta á kaf í olíublandaða sullið........sá ekkert"heyrði ekkert vissi ekkert"hvað ég var að gera með þennan fræga tein því það voru yfir 100 gráðu heit rör allstaðar að stingast í mig og hávaðinn var svo yfirþyrmandi að ekki var hægt að komast að neinu..........nei og viti menn veskið hafði húkkast á þennan fræga tein svokallaða og eftir að veskið hafði verið hreinsað og þerrað kom í ljós að í þessu veski reindist vera vísakort með ótakmarkaðri heimild........Smávegis af rúblum....nokkrum schlotsyum..........100euros og rándýrir matarmiðar úr slippnum (lostæti)......já þetta er ein sú mest krassandi lífsreinsla sem á daga mína hefur drifið sem maskínisti hér á skipi til fjölda ára.En hef ég þó víða fjöruna sopið"

Og vildi Elías koma því á framfæri að búið er að hafa upp á eiganda veskisins og kemst það í hans hendur von bráðar.

Þá þökkum við honum Elíasi úr engidal fyrir þessa lífsreinslusögu.

Annars er allt gott að frétta af torginu og líður túrinn hratt og örugglega. 

kv bloggaranir



     Gummi Vinnslustjóri að pakka Lúðu 



                  Og hér eru nokkrar grásur á leið í pökkun



         Og hér gefur að líta stefán frá sultum og Jóhann norðfirðing
         að setja sig í stellingar til að skipta um glugga í undirbyrði.
         og vill stefán skila kveðju heim til Villu sinnar.

Góðann daginn kæru landsmenn til sjávar og sveita.

Sú nýbreytni átti sér stað á Torginu í dag að það skall á bræla sem ekki sér fyrir endann á og græjaði brytinn líka þessa eðal flatböku til þess að lyfta brúninni á mönnum. 

Annars er bara allt meinhægt að frétta héðan af Torgi hins himneska friðar og þökkum við um leið fyrir innlit og komment á síðuna og munið að kvitta.

Kveðja,
Yfirbloggarar

Búið er að uppfæra "Hin hliðin" og bæta þar við einum áhafnarmeðlim. Munum uppfæra þann lið nokkuð á næstunni.

Hvetjum alla sem heimsækja síðuna til að kvitta í gestabókina og skrá athugasemdir við blogg.

Erum búnir að bæta við myndum af áhöfninni hans Jóels. Til að skoða þær er smellt á valmöguleikann "Áhöfn Jóels" í valmyndinni hér til hægri.