Blogg
30.11.2008
Torgfréttir
Á mbl.is er viðtal við Jóel þar sem verið er að fjalla um gott gengi í síðasta túr. Viðtalið má sjá hér.
28.11.2008
Mættir á svæðið !! Reyklausir
Það eru smá mannabreytingar frá síðasta túr, Aríel hljóp í stýrimannskólann eftir smá pásu og mætti Denni aftur um borð eftir "smá" frí.
Við erum stoltir að segja frá því að áhöfnin er REYKLAUS!
Menn eru himinlifandi með að geta komist á netið um borð og eru flestir að skrá sig inn á facebook þessa stundina en svo virðist vera að síminn hafi lokað fyrir MSNið hér um borð.
Bátsmaðurinn að skrá sig inn á facebook !
27.11.2008
Komnir í land
Stjáni og Co fara út í kvöld í síðasta túr ársins (túr númer 10) og koma inn á Þorláksmessu. Þeir lofa að vera duglegir að blogga í túrnum.
25.11.2008
Endaspretturinn
Það er brjálað að gera í þrifum hjá strákunum sem eru úti á sjó og því hafa þeir ekki gefið sér tíma til þess að blogga. Við sem erum í landi höfum frétt að það hafi gengið vel hjá þeim og allir séu komnir í jólaskap.
Jóel og Co koma síðan í land á fimmtudagsmorguninn og við í Stjánagengi förum út sama kvöld og verðum á sjó fram að Þorkláksmessu.
20.11.2008
Lokavika
Jæja nú er síðasta vikan að byrja og verður nóg að gera það sem eftir lifir túrs í þrifum og afla. Það hefur verið góð karfaveiði í dag og búinn að vera mikill atgangur að koma rauðu strákunum í gegnum vinnsluna og niður í lest, en að sjálfsögðu hefst þetta allt að lokum.
Svo um eða upp úr helginni verður byrjað að þrífa skipið bæði að utan og innan. Síðustu dagar hafa gengið vel og búið að vera ágætis veður og höfum við verið með tvö troll í heila 3 daga sem fer að nálgast met á haustmánuðum hér á Torginu.
Annars verður þetta ekki lengra í dag. Bloggararnir eru að fara á Facebook og viljum við enn og aftur minna fólk á að kommenta.
kv.
GINarar