Guðmundur Í Nesi RE13

29.10.2008 13:04

Slippfréttir

Enn er verið að vinna á fullu við að setja niður bönd og búnað á millidekk. Stefnt er á að fara í prufu siglingu í kvöld. Nokkrar nýjar myndir fylgja hér með.

Sköfunin og sporðskurður fara fram hér. Kar fyrir sporða er undir færibandinu

Böndin sem koma að pökkunarborðinu. Hægt að taka tvo flokka fram í einu.

Skrifað af Valdi

28.10.2008 19:12

Hvilvtenni

Ég fór smá rúnt í Reykjavík í dag og tók þá eftir að togarinn Taurus lá við Grandabryggjuna. Togarinn er í eigu Reyktal og er skipið gert út frá Eistlandi. Taurus hét áður Hvilvtenni FD 60 og var gerður út af Kjartani Jacobsen útgerðarmanni í Leirvík, Færeyjum.

Árið 2000 fékk Kjartan afhent nýtt og glæsilegt skip sem smíðað var í Tomrefjord í Noregi. Skipið var gert út á rækju en rekstur þess gekk illa og árið 2003 seldi hann það til Útgerðarfélagsins Tjaldur hf (sem síðar varð að Brim hf). Skipið var afhent í ársbyrjun 2004 og var gefið nafnið Guðmundur í Nesi, eftir afa Guðmundar Kristjánssonar útgerðarmanns.

Ég læt hér fylgja með nokkrar myndir.

Taurus (Ex. Hvilvtenni FD60)

Svona leit skútan út í færeyjum

Guðmundur í Nesi RE13 í dag (Mynd Þorgeir Baldursson)

Skrifað af Gunni

28.10.2008 14:24

Enn verið að vinna

Það er búið að fresta brottför sem átti að vera í dag fram á föstudaginn. Ennþá eru einhverjum verkum enn ólokið, bæði í vél og á millidekkinu.

Annars skilst mér á þeim sem eru fyrir norðan að þetta gangi allt sæmilega og það sé m.a. að verða komin sæmileg mynd á millidekkið, en þó sé slatti af "smáverkum" eftir.

Þar sem við Gunni erum ekki staddir fyrir norðan þá eru því miður engar nýjar myndir í dag.

Skrifað af Gísli

27.10.2008 10:14

Netalestin

Við tókum netalestina í gegn í slippnum, við byrjuðum á því að stækka netahillurnar um borð hjá okkur en það var enginn annar en Gummi Áskells sem sá um að sjóða þetta saman fyrir okkur þegar því lauk þá tóku Gísli, Gunni og Valdi við verkinu og kláruðum við að rúst berja gólfið, grunna allt saman og máluðum svo hillurnar og gólfið.

Búið er að boða brottför á morgun kl 17:00 skilst mér.

Svona lítur þetta út hjá okkur .....

Búið að græja lokana á frystitækin

Skrifað af Gunni

23.10.2008 22:29

Rekkinn klár!!

Jæja nú er búið að prufu keyra nýja plast rekkann okkar sem Keli vélstjóri sauð saman fyrir okkur. Annars er það í fréttum að Gísli stakk af í dag suður í óveðrið og kemur sennilega aftur á mánudag þegar allt verður prufukeyrt, Valdi bátsmaður á Jolla gengi mætti galvaskur í staðinn fyrir Gísla, Kláruðum við Valdi að mála eina umferð á netalestinni í dag. Ég ætla að hafa þetta stutt og laggott núna þar sem mig langar mjög mikið að skríða upp í kojju.

Búið að raða í plast rekkann

Gísli á langabandinu

Skrifað af Gunni

22.10.2008 20:54

Fengum kúlu á höfuðið

Langþráðum áfanga var náð í dag. Fjarskiptakúlan sem tryggir okkur almennilegt internetsamband þegar við erum á sjó var sett upp. Þetta mun gera okkur kleift að vera í almennilegu sambandi þegar við erum á sjónum og tryggja jafnt og öruggt flæði af hágæða bloggi hér á gin.is.

Annars var allt við það sama í dag, skipið fullt af mönnum sem vinna hörðum höndum að því að koma skipinu af stað sem fyrst. Þó er slatti eftir ennþá, bæði í vél og á millidekki. Gleðilegar fréttir af millidekkinu, loftlokarnir til að stjórna sjónum á móttökunni voru settir upp í dag.

Langabandið

Nýju stjórnborðin

Skrifað af Gísli

21.10.2008 23:30

Miðnætur blogg

Seint blogga sumir, en blogga þó! Rétt að byrja á því sem skiptir máli þenna daginn. Man Utd. vann 3-0!!

Héðan er annars frekar lítið að frétta. Allt gengur sinn vana gang og allir vinna að því markmið að koma skipinu til veiða sem fyrst. Við Gunni kláruðum að grunna netlestina í dag ásamt því að vera slippurunum og rafvirkjum innan handar við skipulagið á millidekkinu. Einnig var byrjað á því að festa fjarskiptakúluna á mastrið á brúnni.

Eins og vanalega setjum við inn nokkrar myndir.

Lúgurnar á nýju safnkörunum. Móttökubandið undir ruslinu.

Rekki fyrir pokarúllur frami í umbúðalest

Ok, við viðurkennum það, það er smávegis eftir ennþá!!

Óskum áfram eftir því að þið kvittið fyrir heimsóknum, í gestabók eða álitum, en endilega gerið það undir nafni.

Skrifað af Gísli

20.10.2008 21:05

Frost á fróni

Mikið andskoti var veturinn fljótur að skella á hérna fyrir norðan. Það er búið að vera kafald og skítakuldi í allan dag. Til allrar hamingju erum við að vinna inni.

Allt hefur gengið sinn vana gang í dag og skipið lítur betur út með hverjum deginum. Bjöggi, Hjalli og Bragi bættust í hópinn aftur í dag, en um helgina vorum við bara fjórir af GINurum hér um borð, ég (Gísli), Gunni, Agnar og Keli.

Setjum að venju nokkrar myndir inn.

Bættar hillur a la Gummi Áskels, Gísli og Gunni

Aðeins búið að hreinsa til og laga í kringum úrsláttinn

Þessi mynd mun kæta pakkarana sérstaklega

Endilega að kvitta fyrir heimsóknum, annað hvort í álitum við bloggin eða í gestabókinni.

Skrifað af Gísli

19.10.2008 20:56

Ryðgaður sunnudagur

Lítið um frí hérna fyrir norðan. Við Gunni eyddum sunnudeginum í að ryðberja gólfið í netalestinni. Það hefur fallið í frekar grýttan jarðveg þegar við höfum verið að ryðberja þegar að aðrir eru að vinna um borð svo við ákváðum að nota daginn í dag. Náðum að klára um kvöldmatarleytið svo núna þarf bara að klára að smíða nýja rekkann og svo verður allt málað.

Annars gengur allt vel. Nú er bara að spýta í lófana og koma strákunum á sjóinn sem fyrst.

Skrifað af Gísli