Það náðust nokkrar magnaðar myndir af 2 hvölum sem voru að leika sér við síðuna hjá okkur þegar við vorum að hýfa. Myndirnar eru í albúminu undir "Hvalir".

Ég var að setja inn nýjar myndir sem eru úr síðustu 2 túrum "Náð í nema" albúmið er síðan úr þar síðasta túr, strákarnir á Þór voru svo almennilegir að koma með nýjan hlera nema fyrir okkur einnig eru myndir komnar úr síðasta túr. Ég er að skrapa þessum myndum saman hjá mér og munu týnast inn fleiri myndir í vikunni.

Við óskum Brimnes mönnum til lukku með góðan túr þeir komu í land á fimmtudaginn á Akureyri með 115 milljónir eftir mánuð á veiðum.

Jæja, þá kemur loksins ný færsla. Erum ekki ennþá komnir með nettengingu út á sjó og því gerist lítið hér á síðunni þegar við erum úti á sjó. Komum úr fínum túr í gær, aflaverðmætið um 136 milljónir.

Fínn túr í alla staði, gott veður megnið af tímanum og sæmilegt fiskerí. Þó fengum við skítabrælu í tvo daga. Mjög "ósumarlegt" veður.  Síðan skemmdi Euro 2008 ekki fyrir.

Tókum eitthvað af myndum og munu þær koma inn á síðuna á næstu dögum.