Guðmundur Í Nesi RE13

Stór hluti áhafnarinnar gleðst núna þegar að ljóst er orðið (það var aldrei spurning) að Man Utd varði meistaratitilinn.  Nú er bara að stefna á tvo titla og klára þetta í Moskvu. Ekki satt Gunni?

Já góðir hálsar þið þurfið ekki að bíða mikið lengur því platan kemur út á morgun klukkan 14:00! Hún verður seld í betri tónlistarverslunum landsins og þess má geta að um 5000 eintök voru send norður á Húsavík og mun vera sérstök miðnæturopnun í bókabúðinni annað kvöld. Söngvari sveitarinnar, sjálfur Jón Ólafur mun, mæta á staðinn og taka nokkur lög fyrir trylltan lýðinn.


Svona lítur gripurinn út .... en meðal laga á plötunni eru slagarar eins og " Hlauptu drengur hlauptu", "Lásaðu úr helvítið þitt" og "Fletcher my man" .

Bátsmaðurinn tók sig til á útstíminu í síðasta túr og ætlaði sér að gera áhöfnina líkari sjálfum sér og bauð upp á ókeypis rakstur upp í brú milli 2 og 4 þennan ágætis fimmtudag 4 apríl síðastliðinn. Sumir gengu svo langt að segja að raksturinn hafi átt sinn þátt í mettúr og verður fróðlegt að sjá hvað verður gert á næsta útstími....



Stjáni var fyrstur í stólinn og er ekki annað að sjá á karlinum en að hann sé sáttur með þetta



Aríel var næstur...



Ómar var síðastur í stólinn


Það eru komnar nokkrar myndir úr síðasta túr í albúmin hjá okkur, ég á eftir að setja inn fleiri myndir af rakstrinum og einnig þegar við skruppum yfir í Þór HF og náðum í nema.

p.s ég tók Athugasemda kerfið i burtu í smá tíma það voru einhverjir óprúttnir aðilar að notfæra sér það til auglýsa lélegar porno síður